Инвестицион салоҳият

Қўшработ тумани ҳудудларини ижтимоий-иқтисодий ривожлантириш бўйича таклиф этилаётган инвестиция

Х А Р И Т А С И

Лойиҳа номи ва йўналиши

Лойиҳа таклиф этилаётган ҳудуд

Мавжуд имкониятлар келгусидаги истиқболлар

1

Қўшработ туманининг умумий ер майдони 215,9 минг га.ни ташкил этади. Шундан 150 минг гектари лалми ерлар ҳисобланади. Ушбу лалми ерларнинг тоғлар ва тоғолди жойларида шифобахш  коврак
(Ferula L) етиштириш;

Туман Жонбулоқ ҳудуди,

Урганжи ҳудуди
ясси тоғликлари
ва ялангликлари

Жаҳон фармацевтикасида етакчи ўринда турувчи ушбу ўсимликдан 10 дан ортиқ турдаги дори воситалари ишлаб чиқаришда қўлланилади. Ковракдан тўртинчи йилдан маҳсулот (шира) олиш мумкин.Ҳосилга киргандан сўнг маҳсулот олиш ҳажми гектарига 30 тоннага етади. 1 килограмм коврак нархи 70 АҚШ долларига тенг. Асосий истеъмолчи давлатлар Ҳиндистон (йилига 3 минг 200 тонн) ва Хитой (500 тонна)дир. 

2

Гранит, мармар ва кварц хом ашёси қазиб олиш ҳамда уни қайта ишлаш

Зарбанд, Оқтепа ҚФЙ, Жўш ҚФЙ ҳудудларидаги тоғ ва тоғ олди ҳудудлари

Бугунги кунда қурилиш соҳасида мазкур материалларга бўлган талаб ортиб бормоқда. Тумандаги тоғларда мармар тошлар захираси чекланмаган микдорда. Туманда ҳорижий инвесторлар учун мазкур қазилма бойликларини қазиб олиш ва қайта ишлашни ташкил этиш учун етарли шароит мавжуд. Бундан ташқари йўл инфратузилмаси аввалдан мавжудлиги инвесторларга янада қулайлик туғдиради.

3

Узумни қайта ишлаш, ундан узум шарбати ва майиз тайёрлаш имконияти;

Бугунги кунда туманда жами
2315 гектар (фермер+аҳоли) ер майдонида узум етиштириш учун ер майдонлари ажратиб берилган. Ҳар йили кишмишбоп ва саноатбоп узум навларини кўпайтириб бориш бўйича чора-тадбирлар белгилаб олинган.

Муҳтарам Президентимиз яқинда ўтказган селектор йиғилишида виночиликни ривожлантириш, вино истеъмолини кўпайтириш бўйича кўрсатмаларига кўра ушбу соҳада клестер ташкил этиш учун энг қулай ҳудуд бу Қўшработ ҳисобланади. Қўшработ тумани Самарқанд вилояти бўйича узум маҳсулотлари етиштиришда етакчи ўринда туради. Шуни алоҳида таъкидлаш лозимки бизда етиштирилган узум маҳсулотлари сифат даражаси энг юқори ўринда туради. Туманда хом ашёси узум бўлган ҳар қандай кластерни ташкил этиш даромаднинг гарови ҳисобланади.

 

4

Мевани (олма, ўрик, полиз экинлари) қайта ишлаш ва ундан турли хил шарбат ҳамда қуруқ мева маҳсулотлари етиштириш;

Тумандаги 152 гектар (фермер+аҳоли) олма боғлари,
68 гектар (фермер+аҳоли)  ўрик боғлари ва 207 гектар (фермер+аҳоли) бошқа боғлар мавжуд

Тумандаги мавжуд боғлардан йиғиладиган ҳосил ахоли истеъмолидан ортиб қолиши ва ушбу меваларни қайта ишлаш корхонаси мавжуд эмаслиги ҳосилни нобуд бўлишига олиб келмоқда. Бугунги кунда чет мамлакатлардан ушбу меваларга ва айниқса Ўзбекистон шароитида пишиб етилган меваларга талаб юқорилигини ҳисобга олиб ҳудудда мевани қайта ишлаш корхонаси ташкил этиш кафолатли фойда олиш гаровидир.

5

Туман парки (пляж)да турли хил кўнгилочар хизматлар ташкил этиш;

Мустақиллик МФЙ

Умумий майдони 5 гектарни ташкил этувчи ушбу пляжнинг энг хусусиятли томони шундаки, унга бирор ирмоқ орқали сув келмайди балки ер остидан чиқаётган булоқ сувлари ҳисобидан шаклланган. Шу жихатдан ҳам унинг суви доимий топ-тоза сақланади. Атрофи йўл ва катта дарахтлар билан ўралган у ерда аҳоли чўмилиш ва дам олишга келишади. Агар бу ерда замонавий дам олиш маскани ташкил этиб, кўлда ёшлар учун эшкакли қайиқлар, скутерлар ташкил этилса, маҳаллий туристлар оилавий дам олиб, хордиқ чиқариши учун ажойиб масканга айланади.    

6

Туман тоғли ҳудудлари Пангат, Қизилбел ва Қовунчи (Шамолли) ҳудудларида эко туризм учун мавсумий дам олиш масканлари ташкил этиш;

Пангат, Қизилбел ва Қовунчи (Шамолли) ҳудудларида

Мазкур ҳудудлардаги табиий шароит, агро ва эко туризмни ривожлантиришда асосий омил бўлиб хизмат қилади. Айниқса, баҳор ва ёз фаслларида ушбу ҳудудларда аввалдан мавжуд бўлган болалар дам олиш оромгоҳлари мавжуд ресурслардан фойдаланган ҳолда замонавий ички туризмни
ривожлантиришга асос бўлади.   

7

Чорвачилик соҳасида жунни қайта ишлаш ва терига ишлов бериш

Туман барча ҳудудларида

Туманнинг асосан чорвачиликка мослашган ер ресурслари, иқлим шароити бу ҳудудда қўйчиликни ривожлантиришга ва ундан ҳосил бўладиган кўп миқдорда чорва териси ва жун хом ашёси уни қайта ишлашга эҳтиёж тўғдиради

8

Туман марказида умумий майдони 2000 кв метр бўлган бетон конструкцияли бино мавжуд

Қўшработ туман Қўролос маҳалласи

Инвесторлар учун ишлаб чиқаришни ташкил этиш, ҳорижий инвестиция киритиш шарти билан фойдаланишга берилади. Барча коммуникация тармоқлари мавжуд.

 

 

 

2015-2019 © Қўшработ туман ҳокимлиги. Сайт яратувчиси: SAKTRM