Ozodalik, poklik, saranjomlik yurtimizni yanada obod va fayzli, ko‘rkam qiluvchi jihatlardan. Bunda xalqimizning yillar davomida shakllangan ezgu qadriyati – hashar muhim o‘rin tutadi.
Bugun mamlakatimizda «Obod va fayzli mahalla — yurt ko‘rki” shiori ostida obodonlashtirish va ko‘kalamzorlashtirish umumxalq xayriya hashari bo‘lib o‘tmoqda.
Xususan, Qo‘shrabot tuman "Inson" ijtimoiy xizmatlar markazida ham hashar uyushqoqlik bilan boshlanib ketdi.
Hashar davomida yo‘laklar saranjom-sarishta holatga keltirilib, manzarali daraxt va gul ko‘chatlari ekildi. Daraxtlar oqlanib, shakl berildi. Ariqlar tozalanib, chiqindilar olib chiqildi.
Zero, hashar hamjihatlik, obodlik va yaratuvchanlik ramzi sifatida shakllangan mehr-oqibat muhitini yanada mustahkamlashga xizmat qiladi.