Qo‘shrabot tumanining Shavona mahallasi obod maskanga aylanmoqda.

Bugun, viloyat prokurori M.Eshnazarov va tuman hokimi D.Shakarboyev tomonidan tumanda “Obod xonadon, obod ko‘cha, obod mahalla” tamoyili asosida Shavona mahallasida amalga oshirilayotgan loyihalar bilan yaqindan tanishib, kelgusidagi vazifalar yuzasidan tahliliy muhokama yigʻilishi oʻtkazildi.

Yigʻilishda viloyat va tuman tashkilotlari rahbarlari, nuroniylar hamda mahalla oqsoqollari ishtirok etdi. Mas’ullarga viloyat prokurori tomonidan amalga oshirilishi lozim boʻlgan ishlar yuzasidan aniq-chora tadbirlar belgilab berildi.

Viloyat prokurori M.Eshnazarov Shavona mahallasini tinch va obod maskanga aylantirish, mahallada odamlar ahil va inoq bo‘lib baxtli hayot kechirishlari uchun mavjud muammolar bartaraf etilishini ta’kidlab o‘tdi.