Махсус имкониятлар
Азиз юртдошлар! Ҳурматли тадбиркорлар! Сўнгги йилларда мамлакатимизда аҳолини тадбиркорликка кенг жалб қилиш, оилавий тадбиркорликни қўллаб-қувватлаш, ёшларнинг бизнес ғояларини амалга оширишга ҳар томонлама кўмаклашиш борасида қатор чоралар кўрилмоқда.
Ҳудудларда оилаларни тадбиркорлик фаолиятига кенг жалб қилишга, уларнинг барқарор ва қўшимча даромад манбаига эга бўлишига, миллий ҳунармандчилик янада ривожланишига, хотин-қизларнинг тадбиркорлик ташаббуслари амалга оширилишига, ёш тадбиркорларнинг истиқболли ғоялари ва лойиҳалари рўёбга чиқишига ҳамда шу асосда аҳолининг бандлиги таъминланишига замин яратилмоқда.
Шу ўринда қайд этиш керакки, ҳозирги кунда тадбиркорлик субъектларига қуйлайлик яратиш, уларнинг жадал ривожланишини таъминлашмақсадида 70 дан ортиқнорматив-ҳуқуқийҳужжатларда
380дан зиёд имтиёз ва преференциялар белгиланган.
Мазкур соҳада биргина 2019 йилнинг бошидан бугунги кунгача бўлган даврда30 дан зиёд норматив-ҳуқуқий ҳужжатлар қабул қилинди.
Хақиқатан ҳам илгарилари корхонани рўйхатдан ўтказиш учун
7-8 та идорага мурожаат қилиниб, 40 га яқин ҳар хил ҳужжатларни тақдим этиш талаб қилинарди. Буларнинг барчаси, керак бўлса унинг тадбиркорлик билан шуғулланишга бўлган иштиёқини сўнишига ҳам олиб келарди.
Бугунги кунда эса ўз хусусий ишини очмоқчи бўлган тадбиркорлар кўпи билан 2 кун давомида давлат рўйхатига олинганлик тўғрисидаги гувоҳномани олиш имкониятига эга бўлди. Рўйхатдан ўтказувчи орган гувоҳномани бериш билан бир вақтда тадбиркорлик субъектларининг солиқ, статистик ва бошқа идраларда ҳисобга олинишини ҳам таъминлайди.Мисол учун Давлат хизматлари маркази томонидан
2018 йилда 43 турдаги хизматлар кўрсатилган бўлса, 2019 йилда 110 дан зиёд турдаги хизматлар кўрсатилиши йўлга қўйилди.
Қадрли юртдошлар! Яратилаётган имкониятлар самараси сифатида туманимизда
2018 йилда ташкил этилган тадбиркорлик субъектлари сони 870 тани ташкил этган бўлса, жорий йилнинг 10 ойи давомида ушбу кўрсаткич 1579тани ташкил этди. Бу ўтган йилга нисбатан 709 тага кўп тадбиркорлик субъектлари ташкил этилганлигини билдиради.Биргина кичик бизнес субъектлари сонини ўтган йилга нисбатан икки баробарга ошириш яъни 2018 йилдаги 86 тадан жорий йилда 172 тага кўпайтириш режасини мақсад қилиб олганмиз.
Муҳтарам Президентимиз Ш.М.Мирзиёевнинг жорий йил
26 июлдаги Самарқанд вилоятига ташрифлар давомида берилган топшириқлари юзасидан келаётган янги 2020 йилда тадбиркорлик фаолиятини қўллаб-қувватлаш ва уларнинг сонини кескин оширишга қаратилган чора-тадбирларни инобатга олган ҳолда тадбиркорлик субъектлари сонини туманда 4 мингдан оширишни режалаштирганмиз.
Тадбиркорларнинг, шу жумладан, чет эллик инвесторларнинг мурожаатлари билан ишлашни ташкил этиш сифати ва тезкорлигини ошириш, улар билан очиқ ва тўғридан-тўғри мулоқотни таъминлаш, уларнинг қонуний талабларини амалий ва самарали руёбга чиқариш ва муаммоли масалаларни тезкорлик билан ҳал этиш механизмлари йўлга қўйилмоқда.
Бунда, Самарқанд вилояти Қўшработ туманидаги Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхонаси ҳамда унинг негизида фаол тадбиркорлар, ҳуқуқшунослар ва жамоатчиликнинг бошқа вакилларидан иборат фуқаролар иштирокида “Тадбиркорларнинг жамоатчилик кенгаши” ташкил этилди. Мазкур жамоатчилик кенгаши зиммасига кичик бизнес ва тадбиркорликни ривожлантиришга тўсиқ бўлаётган муаммоларни ўз вақтида аниқлаб, уларни бартараф этиш бўйича аниқ таклифларни ишлаб чиқиш, тадбиркорларнинг ҳуқуқлари, эркинликлари ва қонуний манфаатларига дахл қилувчи энг муҳим масалалар юзасидан жамоатчилик фикрини тизимли мониторинг қилиш ва ҳар томонлама таҳлил қилиш каби муҳим вазифаларни амалга ошириш юклатилган.
Туманда биргина Ўзбекистон Республикаси Бош вазирининг Тадбиркорлар мурожаатларини кўриб чиқиш қабулхонасига бугуниги кунгача жами 116 та тадбиркорлар томонидан мурожаатлар келиб тушган.
- 47 таси банк кредити;
Жумладан, “Ҳар бир оила – тадбиркор” давлат дастури доирасида кредит олиш бўйича – 24 та, бошқа турдаги кредитлар ажратилиши бўйича – 23 та,
- 15 та ер, кадастр, архитектура ва қурилиш масалалари;
Жумладан, тадбиркорлик фаолияти учун ер-жой ажратиш масаласида 12 та, бўш турган бино ва иншоотларни ажратиш масаласида 1 та, бошқа масалаларда 2 та,
- 54 таси бошқа масалалар.
Юқоридаги рақамларни таҳлил қилганимиза асосан иккита ер ажратиш билан боғлиқ ҳамда тижорат банклари томонидан ажратилиши лозим бўлган имтиёзли кредитлар билан боғлиқ муаммолардан иборатлиги маълум бўлди.
Мазкур масалаларни ижобий ҳал етиш юзасидан Муҳтарам Президентимиз томонидан алоҳида ва муҳим топшириқларига асосан,бундан буён ҳақиқий тадбиркор бўлиш истагида юрганларга ер ажратиш очиқ-ошкора равишда, барча учун тенг шароитлар яратган ҳолда, электрон аукцион орқали амалга оширилади, шу билан биргаликда кредит бериш тизими ҳам соддалаштирилиб (вилоят, республика банклари ваколатларини тумандаги банкларга бериш орқали), ортиқча қоғозбозлик ва сарсонгарчиликларга барҳам берилади”.
Ушбу йўнилишда туманимизда амалга ошириб келинаётган ишларга биргина тўхталиб ўтсак. Бугунги кунда аҳоли жон бошига ҳисоблаганда туман худудининг жуда катта қисми етарлича самарали фойдаланилмасдан келинмоқда. Бунда, ер майдонларининг асосий қисми лалми ва яйловлардан иборатлиги, шунга қарамасдан ер ости сувларининг нисбатан юзада жойлашганлиги, унда артезиан қудуқлар қазиш йўли билан фойдаланиш имкони беради. Бу эса, фуқароларда ер ҳамда моддий маблағга бўлган эҳтиёж, фуқаролардан эса озгина қунт ва меҳнатни талаб этади. Бу масалаларни ҳал этиш ва аҳолига қўшимча имкониятлар яратиш масадида туманда давлатимиз томонидан бир қанча шарт-шароитлар яратиб келинмоқда.
Ўзбекистон Республикаси Президентининг 2019 йил 7 мартдаги “Ҳудудларда аҳолини тадбиркорликка кенг жалб қилиш ва оилавий тадбиркорликни ривожлантиришга доир қўшимча чора-тадбирлар тўғрисида” ПҚ-4231-сонли қарори қабул қилинганлиги ва у асосида тадбиркорлик қилиш истагида бўлган фуқароларга 8 фоизли имтиёзли кредитларнинг ажратилиши айни муддао бўлди.
Туманда аҳолига ва тадбиркорлик субъектларига ажратилдаётган имтиёзли кредитларни таҳлил қиладиган бўлсак ўтган йиллар давомида
127 млрд.сўмдан ортиқ банк кредитлари ажратилди. Айниқса, кичик бизнес субъектлари лойиҳаларини молиялаштириш мақсадида “Ҳар бир оила - тадбиркор”, Фермер, деҳқон хўжаликлари ва томорқа ер эгаларини қўллаб-қувватлаш жамғармаси”, “Ҳунармандчиликни ривожлантириш жамғармаси”, “Бандликка кўмаклашиш жамғармаси”, “Ёшлар - келажагимиз” давлат дастурлари доирасида бу кўрсаткич 2019 йилнинг
10 ойида 31,7 млрд.сўмга етди.
2020 йилда мазкур соҳани ривожлантиришга қаратилган муҳим режаларни амалга ошириш мақсадида қишлоқ хўжалигини ривожлантирш учун узоқ муддатли субсидиялар ва ажартилиши белгиланган кредитлар миқдорини икки баробарга кўпайтирилиши мақсад қилиб олинган.
Тадбиркорлик фаолиятини бошлаш учун аксарият ҳолларда дастлаб ер майдони зарурлиги ҳеч кимга сир эмас. Юқоридагиларни инобатга олган ҳолда Ўзбекистон Республикаси Президентининг 2018 йил
11 октябрдаги “Давлат мулки объектларини ва ер участкаларига бўлган ҳуқуқларни тадбиркорлик субъектларига сотиш тартибини соддалаштириш бўйича қўшимча чора-тадбирлар тўғрисида”ги
ПФ-5552-сонли фармони ҳамда 2019 йил 26 августдаги “Қишлоқ хўжалигига мўлжаллангамагн бўш турган ер участкаларини бериш ҳамда архитектура-қурилиш ишларини амалга ошириш тартиб-таомилларини янада такомиллаштириш чора-тадбирлари тўғрисида” қарорларига асосан туманда ер майдонлари ажратилиши шаффофлигини таъминлаш мақсадида электрон аукцион савдолари орқали ажратиб берилмоқда.
Бугунги кунда ушбу тизим орқали 10,98 гектардан иборат бўлган
204 та ер участкалари мазкур тизимга киритилиб, 113 таси тадбиркорлик қилиш истагини билдирган фуқароларга тегишли тартибда расмийлаштирилиб берилди. Бу кўрсатгич бўйича туманимиз вилоят бўйича биринчи ўринларда турибди.
Юқорида амалга оширилаётган ишларнинг мантиқий давоми сифатида Ўзбекистон Республикаси Президентининг 2018 йил
16 мартдаги ПҚ-3607-сонли қарорига асосан туманимизнинг Қўролос маҳалласида 3,89 га ер майдонида Қўшработ тумани “Кичик саноат зонаси” ташкил этилган. Кичик саноат зонасидан (уч йил солиқлардан озод қилинган ҳолда) тадбиркорлик қилиш истагида бўлган фуқароларга ишлаб чиқаришни ташкил этиш таклифини билдирган 8 та тадбиркорнинг лойиҳа таклифлари тасдиқланиб, 1,01 га ер майдонлари бепул ажратилиб берилган. Ҳозирда мазкур ҳудудда барча коммуникация тармоқлари жумладан 1 км.га яқин газ, 1 км.дан ортиқ сув ва 460 кВА қувватли трансформаторёрдамида узлуксиз электр таъминоти билан таъминланган. Бугунги кунда мазкур ҳудудда ишлаб чиқариш истагини билдирган тадбиркорлар ўз бизнес режасини Самарқанд Кичик саноат зоналари дирекцияси Маъмурий кенгашига тақдим қилиш орқали бўш ер майдонларига имтиёзли шартларда эга бўлиши мумкинлигини маълум қиламиз.
Муҳтарам Президентимизнинг “Битта иш ўрни яратган тадбиркор-бу билинг менинг ҳимоямдадир” деган қимматли сўзлари тадбиркорлик қилиш истагини билдирган ҳар бир фуқаро учун янгича шижоат бағишлайди.
Жумладан, Муҳтарам Президентимиз Ш.М.Мирзиёевнинг
2019 йил 11 январдаги Самарқанд вилоятига ташрифи давомида берилган топшириқлари ҳамда 2019-2020 йилларда туманни ижтимоий-иқтисодий ривожлантириш дастурига асосан қишлоқ хўжалиги, саноат ва хизмат кўрсатиш йўналишларида 181 та лойиҳа таклифлари тасдиқланди ва улар бугунги кунда амалга ошириб келинмоқда. Мазкур лойиҳалар амалга оширилиши натижасида туманда қўшимча 1354 та янги иш ўринлари яратилиши кўзда тутилган.
Туманда 2019 йилнинг 1 январ холатига тўғридан-тўғри хорижий инвестиция иштирокидаги лойиҳа мавжуд бўлмаган. Лекин бир нарсани алохида кайд этиш керакки, 2018-2019 йиллар давомида ўнлаб хорижий инвесторлар туманга келиб бу ердаги шарт-шароитлар билан яқиндан танишишди.
2019 йилнинг октябрь ойи холатига тўғридан-тўғри хорижий инвестиция иштирокида 5 та лойиҳа таклифлари амалга оширилиши режалаштирилган бўлиб, ҳозирда мазкур корхоналардан 370 минг АҚШ доллари тўғридан-тўғри хорижий инвестиция киритилди ва бу борадаги ишларни давом эттиришбўйича алоҳида чора-тадбирлар режаси ишлаб чиқлиган.
Мисол учун “ALIHAN ORGANIC AGRO LLC” МЧЖ Туркия Республикасининг “Бактат Гида” корхонаси бошчилигида туманда
2000 гектар ер майдонига бутун бошли кластер - қишлоқ хўжалик маҳсулотларини экиш, етиштириш, қадоқлаш ҳамда келгусида экспортни амалга оширишни йўлга қўйиш мақсадида хорижий инвестиция киритишни режалаштирмоқдалар.
“OSPAN-KAR INVEST” МЧЖ ҚК Қозоғистон Республикаси билан биргаликда туманда ортопедия маҳсулотлари, махсус оёқ кийим ва кийим-кечаклар ишлаб чикариш комплекси ташкил этиш бўйича умумий қиймати 1 млрд сўмдан иборат бўлган лойиҳа бугунги кунда ишга туширилиб, 37 турдан ортиқ пойафзал маҳсулотлари ишлаб чиқариш йўлга қўйилди.
Ҳурматли тумандошлар юртимизда тадбиркорларга яратиб берилаётган мана шундай шарт-шароитлардан унумли фойдаланайлик ҳамда туманимизда бошқа туманларда бўлмаган ер ресурслари ва бошқа имкониятларимиздан фойдаланиб, туманимизни вилоятдаги энг бой туманлардан бирига айлантирайлик!
